83

میں اپنی سوتیلی امی کے پاس جاتا ہوں۔۔۔شوبز کے ستاروں کی سوتیلی مائیں

شوبز میں ایسے کئی ستارے ہیں جن کی دوسری امی ان کی زندگی میں کہیں نا کہیں شامل ہیں۔۔۔وہ نا چاہ کر بھی ان سے جڑے رہتے ہیں اور کچھ کی تربیت میں ہی نہیں ہے ماؤں میں فرق کرنا۔۔۔

عاصم اظہر کی سوتیلی امی
گلوکار عاصم اظہر کی سوتیلی والدہ سے ان کا بہت گہرا تعلق ہے۔۔۔عاصم اظہر اداکارہ گل رعنا کے صاحبزادے ہیں اور گل رعنا سے پہلے ان کے والد کی ایک شادی پہلے ہی تھی جن سے عاصم کے اور بھی بہن بھائی ہیں۔۔۔عاصم اظہر کی زندگی میں ان بہن بھائیوں کا کافی گہرا تعلق ہے۔۔۔گل رعنا کی اپنے شوہر سے علیحدگی ہوچکی ہے اور یہ ایک ایسی شادی تھی جس میں انہوں نے اپنے گھر والوں کے خلاف فیصلہ لیا تھا۔۔۔علیحدگی کے بعد بھی شوہر اور ان کے گھر والوں سے جس رشتے نے جوڑ کر رکھا وہ عاصم تھا۔۔۔عاصم باقاعدگی سے اپنے والد اور سوتیلی والدہ سے ملتے رہے اور گل رعنا نے کبھی بھی اعتراض نہیں کیا۔۔۔

پہلاج کی سوتیلی امی
اقرار الحسن کے بیٹے پہلاج بھی اب شوبز کے ننھے ستاروں میں شامل ہوچکے ہیں۔۔۔اقرار الحسن نے فرح سے دوسری شادی کی اور فرح اس لحاظ سے پہلاج کی سوتیلی والدہ ہوئیں۔۔۔لیکن پہلاج باقاعدگی سے اپنی دوسری والدہ سے بھی ملتے ہیں اور ان کے ریسٹورنٹ میں اکثر نظر بھی آتے ہیں۔۔۔کئی انٹرویوز ہوئے اس حوالے سے لیکن پہلاج نے کبھی اپنی سوتیلی والدہ کے خلاف ایک لفظ بھی منہ سے نہیں نکالا بلکہ وہ پہلاج کی سالگرہ، اسکول اور دیگر تقریبات کا حصہ بھی بنتی ہیں جس پر اقرار الحسن کی پہلی بیگم کو بھی کوئی اعتراض نہیں

ایمان علی کی سوتیلی امی
ایمان علی اور راحمی علی کی سوتیلی والدہ رابعہ نورین بھی اسی انڈسٹری کا حصہ ہیں۔۔۔لیکن یہ وہ شادی تھی جس پر عابد علی کی پہلی فیملی نے کبھی رضامندی نا دی اور یہ وہ رشتہ ہے جسے ان کی پہلی بیوی کے بچوں نے کبھی تسلیم ہی نہیں کیا۔۔۔حتیٰ کہ عابد علی کے انتقال کے وقت بھی یہ جھگڑا اٹھا کہ ان کی بیٹی راحمہ علی روتے ہوئے سوشل میڈیا پر آئیں اور یہ بیان دیا کہ میں سوتیلی ماں میرے باپ کی میت کو اپنے گھر لے گئی ہیں اور ہمیں وہاں آنے کی اجازت نہیں اور ان ہی ہمیں معلوم ہے کہ وہ کہاں ہیں۔۔۔یہ جھگڑا ایسا ہے جس کا آج تک کوئی حل نہیں نکلا۔۔۔

سویرا ندیم کی سوتیلی ماں
سویرا ندیم کی سوتیلی ماں مدیحہ گوہر تھیں جن سے ان کے والد نے دوسری شادی کی اور ان سے سویرا کے ایک سوتیلے بھائی بھی ہیں۔۔۔سویرا ندیم جب تیرہ سال کی تھیں تو ان کے والدین کے درمیان علیحدگی ہوگئی اور ان کی والدہ نے اس بات کو بچوں کی بہتری کے لئے مناسب سمجھا۔۔۔یوں سویرا اپنے والد کے ساتھ آئیں ا ور ان کاماننا ہے کہ مدیحہ گوہر نے ان کولکھنے اور اداکاری کرنے میں ایک بہت اہم کردار ادا کیا۔۔۔مدیحہ گوہر اجوکا تھیٹر چلاتی تھیں اور سویرا نے پندرہ سال کی عمر میں جب تھیٹر دیکھا تو فیصلہ کیا کہ وہ اس فیلڈ میں آئیں گی۔۔۔گو کہ ان کی سوتیلی والدہ اس دنیا میں نہیں لیکن ان کا رشتہ ان سے ہمیشہ بہت متوازن رہا-

اس خبر پر اپنی رائے کا اظہار کریں

اپنا تبصرہ بھیجیں